Виллиан келгусида ҳам фаолиятини «Челси»да давом эттириш ниятида эканини айтиб ўтди. Унинг «кўклар» билан битими муддати келаси йил ёзда ниҳоясига етади.

«Мен клубнинг режаларида бор-йўқлигимни билмайман, аммо карьерамни шу ерда давом эттиришни истаяпман. «Челси» – мен учун алоҳида аҳамиятга эга жамоа. Бу ерда совринлар жамғариб, мухлислар ва клубдагиларнинг олқишига сазовор бўляпман. Мамнуният билан шу жамоада қолган бўлардим», – деган Виллианнинг сўзларини келтирди Sky Sports.

Маълумот учун, Виллиан 2013 йилдан буён Лондон клубида ўйнаб келмоқда. У бу мавсум барча мусобақаларда 46та ўйин ўтказиб, 8та гол урди ва 12та голга ҳаммуаллиф бўлди.