Янгиликлар

Канте: Бу муҳим эмас

27.03.2019

Нголо Канте RTL`га берган интервьюсида «Реал»нинг унга бўлган қизиқиши ҳақидаги хабарларга муносабат билдирди.

– Мен «Челси» ўйинчисиман ва бу ерда олдимга қўйган мақсадларим бор. Бошқалар нима дейиши муҳим эмас.

– Агар сизга Зинедин Зидан телефон қилса-чи?
– Бу муҳим эмас, мен «Челси»даман ва бор эътиборимни шу клубга қаратганман.

Эслатиб ўтамиз, матбуотда Нголони «Ювентус» билан ҳам боғлаб кўрсатишмоқда. Ўтган йил ёзида Франция терма жамоаси билан жаҳон чемпионига айланган Канте жорий мавсумда «Челси» билан барча турнирлар доирасида 43 ўйинда майдонга тушиб, 4 гол урган ва 4 голга узатма берган.