Оливье Жиру «Ювентус»га ўтишга рози!?

«Челси» ҳужумчиси Оливье Жиру «Ювентус»га ўтишга рози бўлди, деб ёзади Get French Football News.

Туринликлар 33 ёшли французга 9 млн евролик 2 йиллик шартнома таклиф қилишмоқда. Лондон клуби трансфер учун 5 млн евро олмоқчи.

Жиру «Челси»га 2018 йил январида 17 млн евро эвазига «Арсенал»дан ўтган. Унинг «кўклар» билан шартномаси 2021 йил ёзигача мўлжалланган.

Аввалроқ «Ювентус» «Барселона» форварди Луис Суаресни сотиб олишни мақсад қилганлиги хабар қилинганди, аммо 33 ёшли уругвайлик футболчи музокаларни тўхтатди ва Испанияда қолишга қарор қилди.