Клопп: «Стэмфорд Бриж»да ўйнаш доим қийин

«Ливерпуль» бош мураббийи Юрген Клопп АПЛнинг 2-туридан ўрин олган «Челси»га (2:0) қарши ўйиндан сўнг ўз фикрлари билан ўртоқлашди.

«Стэмфорд Бриж»да ўйнаш доим қийин. Менга биринчи бўлим ёқди. Иккала жамоа ҳам ўйнашни, имконият яратишни, натижага эришишни хоҳлашди. Улар устунлик қилишди, аммо бўлимнинг сўнгги сонияларида бизнинг фойдамизга ўйинни ўзгартирган воқеа юз берди («Челси» ҳимоячиси Андреас Кристенсен қизил карточка олди).

Мослашишимиз керак эди ва бунга эришдик. Алиссон «қуруқ» ўйинга лойиқ эди.

Тиагони эрта майдонга туширишга қарор қилдик, чунки бир ўйинчи кўп эдик ва у ўйин ритмини бошқариши мумкин эди. У учун мукаммал старт. Йигитлар унга катта ёрдам беришди. Менга Тиагонинг ўйини жуда ёқди. Ҳимояда унга осон бўлмади, аммо ҳужумда тўп билан ўзини кўрсатди.

Иккала гол ҳам ёқди. Биринчиси – ажойиб зарба. Иккинчисида эса Мане дарвозабонга босим қилгани учун мукофотланди», – дея немис мутахассисининг сўзларини келтиради ВВС.