Роман Абрамович Лондон клубига тегишли бўлмаган футболчиларнинг шубҳали трансферларида ва уларга яширинча эгалик қилишда гумон қилинмоқда, деб хабар беради ВВС.
АҚШ молия вазирлиги таркибидаги молиявий жиноятчиликка қарши кураш бўлими маълумотларига кўра, Абрамович учинчи томон ўйинчиларини сотиб олишда иштирок этган Leiston Holdings офшор компанияси ортида турган. Россиялик миллиардер ўз клубига тегишли бўлмаган ўйинчилар ҳуқуқларига яширинча эгалик қилган. Ана шундай футболчилардан бири Лиссабоннинг «Спортинг» клуби таркибида 2014 йилги Чемпионлар Лигаси доирасида «Челси»га қарши баҳсларда ўйнаган яримҳимоячи Андре Каррильодир.
Бундай амалиёт АПЛда 2008 йилдан, бутун дунёда 2015 йилдан тақиқланган. Аммо 2016 йил декабрь ойида Leiston Holdings ҳисоб варағида шубҳали фаолият кузатилган. Компания қисқа вақт ичида 1 млрд доллардан ортиқ молиявий операцияларни амалга оширган.
Бошқа янгиликлар
Маунт: У энг яқин дўстим
Мейсон Маунт академияда бирга таҳсил олган дўсти Деклан Райснинг «Аристократлар»дан кетиши унга қандай таъсир кўрсатганини айтиб ўтди
17.08.2020
