«Челси» клуби Франциянинг «Ренн» жамоаси дарвозабони Эдуард Менди трансфери борасида келишувга эришди, дея ёзмоқда франциялик инсайдер ва журналист Муҳаммад Буҳафзи.
Манбанинг ёзишича, сенегаллик посбоннинг Лондон клубига ўтиш трансфери 24 миллион еврони ташкил этиб, бу нарх бонуслар ҳисобига яна 30 миллион еврога етиши мумкин. Бу эса Франция чемпионатидаги дарвозабонлар орасида рекорд трансфер баҳога айланади.
Бунгача ҳам Франция чемпионати дарвозабонлари орасидаги рекорд нарх Абрамович клуби томонидан қайд этилган бўлиб, 2004 йилда Петр Чех «Ренн»дан «Челси» сафига 13 миллион евро эвазига ўтганди.
Маълумот учун, Менди 2019 йилда 4 миллион евро эвазига «Реймс»дан «Ренн»га ўтган. 28 ёшли африкалик голкипер ўтган мавсумда клуби сафида 24 ўйинда майдонга тушиб, ўз дарвозасидан 19та гол ўтказиб юборган. Эдуард 2018 йилдан буён Сенегал миллий жамоасидан чақирув олмоқда.
Бошқа янгиликлар
Антонио Рюдигер «Челси»ни тарк этиши мумкин
Антонио Рюдигер Лондон клубини тарк этиши мумкин, бу ҳақда Sky Sports нашри хабар тарқатмоқда
22.09.2020
Мэйсон Маунт: Ҳамма ҳам адашади
Мэйсон Маунт АПЛ 2-тур «Ливерпуль» жамоасига қарши ўйинда дарвозабон Кепа Аррисабалаганинг ўйини ҳақида фикр билдириб ўтди
22.09.2020
Роман Абрамович шубҳали трансферларда гумон қилинмоқда
Роман Абрамович «Челси»га тегишли бўлмаган футболчиларнинг шубҳали трансферларида ва уларга яширинча эгалик қилишда гумон қилинмоқда
22.09.2020
