Англия Премьер-лигаси ўз расмий сайтида ҳукуматнинг коронавирус пандемияси якунланмагунича мухлисларни трибунага қайтармаслик тўғрисидаги қарорига баёнот берди.
«Лига ҳукуматнинг қарорини ўрганиб чиқди ва жамоа соғлиғини сақлаш устувор вазифа бўлса-да, мухлисларнинг трибунага қайтиши кечикканидан хафа бўлди. Ишончимиз комилки, давлат идоралари билан келишилган қоидалар туфайли томошабинлар стадионларда бошқа жойларга қараганда хавфсизроқ бўлишади. Европанинг бошқа лигалари бунга яққол мисолдир.
Мухлисларсиз футбол аввалгидек эмас. Уларсиз футбол иқтисодиёти барқарор эмас. Клублар ўтган мавсумда 700 млн фунт йўқотишди. Ҳозир эса миллий ўйинимиз ойига 100 млн фунтдан кўпроқ йўқотмоқда. Бу ҳолат клубларга салбий таъсир кўрсатишни бошлайди.
Мухлисларни стадионга қайтаришнинг инновацион усуллари орқали клублар солиқларни йиғиш ва миллий иқтисодиётни қўллаб-қувватлаш билан бирга даромадларини аввалги даражага қайтаришлари мумкин. Ноаниқликка қарамай, лига ва клублар томошабинларнинг хавфсиз қайтишига тайёргарликни давом эттиради. Мухлисларнинг трибунага тезроқ қайтишларини таъминлаш учун ҳукумат билан ишлашни давом эттирамиз», – дейилади баёнотда.
Бошқа янгиликлар
Лэмпард: Ҳаверцнинг жисмоний кўрсаткичларини кўтаришимиз керак
Фрэнк Лэмпард жамоага янги қўшилган Кай Ҳаверц асосий камчилигини йўқотиши кераклигини таъкидлади.
23.09.2020
«Барселона» Антонио Рюдигерга қизиқмоқда
«Барселона» «Челси»нинг германиялик ҳимоячиси Антонио Рюдигерга қизиқмоқда, деб таъкидлайди Kicker
24.09.2020
Ҳаверц: Кўпроқ гол уришни истайман
Англия Лига Кубоги 3-раунди доирасида «Барнсли»га (6:0) қарши баҳсда хет-трикка эришган «Челси»нинг 21 ёшли яримҳимоячиси Кай Ҳаверц ўз ҳиссиётлари билан ўртоқл...
24.09.2020
