Маурицио Сарри қишда ижарага олинган ҳужумчи Гонсало Игуаин инглиз футболига мослашиши осон кечмаётганини маълум қилди.
«У менга қийинчиликка учраётганини айтди, чунки бу ерда ҳимоячиларнинг жисмоний таъсири ҳақиқатан ҳам жуда кучли. Бу ердаги ҳакамлар ҳам Италиядагидан анча фарқ қилади. Шундай экан, инглиз футболи Игуаин учун мутлақо янгилик. Айниқса, ҳужумчи ва дарвозабонларга бу фарқ кўпроқ сезилади.
Менимча, Игуаинга вақт керак, лекин бизда вақт йўқ. Бизга унинг кейинги икки ой давомида юқори классдаги ўйнаши керак», – деган Саррининг сўзларини чоп этди Sky Sports.
Италиялик мутахассис аргентиналик ҳужумчи кейинги мавсумда ҳам жамоада қолиши эҳтимоли ҳақидаги саволга: «Билмайман», деб жавоб берган.
Эслатиб ўтамиз, Сарри ва Игуаин 2015/16 мавсумида «Наполи»да бирга фаолият олиб боришган, ўшанда Гонсало фаолиятидаги рекорд кўрсаткичга эришиб, бир мавсумда 36та гол урганди.
«Ювентус» ва «Челси» ўртасидаги ижара битими мавсум якунига қадар мўлжалланган. 31 ёшли футболчи ҳозирча «кўклар» таркибида АПЛнинг 8та ўйинида майдонга тушиб, 3та гол муаллифи бўлди.
Бошқа янгиликлар
Азар «Реал» билан келишиб олди
Эден Азар «Реал» билан тузилажак битим шартлари борасида тўлиқ келишувга эришди. Бу ҳақда Tuttomercatoweb хабар тарқатган
28.03.2019
Гонсало Игуаин халқаро фаолиятини якунлади
Гонсало Игуаин халқаро фаолиятига якун ясаганини эълон қилди. 31 ёшли ҳужумчи ўз шахсига нисбатан бўлган танқидлардан унинг оиласи азият чекканини айтган.
29.03.2019
