«Челси» мухлисларсиз 82 миллион зарар кўради

Англия Премьер-лигаси клублари бутун мавсум давомида мухлисларсиз ўйнашса, 1 млрд фунтдан кўпроқ зарар кўришади.   

The Telegraph'нинг маълумотига кўра, бу ҳолатда энг катта йўқотиш «Манчестер Юнайтед»да бўлади – 139,39 млн фунт.

«Арсенал» 122,27 млн йўқотади, аммо бу зарар лондонликлар бюджетига «МЮ»га қараганда оғирроқ зарба бўлади. Чунки 2018/19 йилги мавсумда клуб даромадининг тўртдан бир қисми мухлисларнинг стадионга ташрифидан келган.

«Тоттенҳэм»нинг йўқотишлари тахминан 106 млн, «Ливерпуль»да 104млн, «Челси»да 82 млн, «Манчестер Сити»да 72 млн фунтни ташкил қилади.

АПЛ 1 октябрдан мухлисларни трибунага қайтаришни режалаштирганди, аммо Буюк Британия бош вазири Борис Жонсон ҳозирча стадионлар мухлислар учун очилмаслигини маълум қилди.