Маркос Алонсо ва жамоа бош мураббийи Фрэнк Лэмпард ўртасида зиддият пайдо бўлди.
Испаниялик футболчи «Вест Бромвич»га қарши ўйиннинг 1-бўлимидан сўнг, ҳисоб 0:3 бўлаётган вақтда алмаштирилди. Шундан сўнг ҳимоячи душ қабул қилди ва рухсатсиз клуб автобусига чиқиб олди. Ўша вақтда алмаштирилган яна бир ўйинчи Матео Ковачич эса захира ўриндиғига қайтди.
Иккинчи бўлим бошланганидан 10-15 дақиқа ўтгач, Алонсо трибунада кўринди, аммо у меҳмон жамоага ажратилган ҳудудда эмасди. Бу Лэмпардни ғазаблантирди.
«Футболчилар мураббийни ҳеч қачон бундай ҳолатда кўрмаганликларини айтишди. Лэмпард жуда қаттиқ ғазабланди. Айримлар Алонсо яна майдонга тушса, бу ҳайрон қоларли ҳолат бўлишини айтишмоқда», – дея инсайдернинг сўзларини келтиради The Athletic.
Эслатиб ўтамиз, айнан Маркоснинг айбидан сўнг «Вест Бромвич» «аристократлар» дарвозасига биринчи тўпни киритди.
Бошқа янгиликлар
Лэмпард: Мендининг ўйиндан қониқдим
Фрэнк Лэмпард Англия Лига Кубогининг 1/8 финали доирасида «Тоттенҳэм» (1:1, пенальтилар серияси – 4:5) билан ўйиндан кейин ўз фикрларини билдириб ўтди.
30.09.2020
Ҳадсон-Одои «Бавария» клубига ўтмоқчи
Каллум Ҳадсон-Одои Лондон клубини тарк этишни мақсад қилган.
01.10.2020
Лэмпард «Челси»ни тарк этадиган 3 ўйинчини айтди
«Челси» бош мураббийи Фрэнк Лэмпард трансферлар ойнаси якунигача жамоани тарк этиши керак бўлган ўйинчиларни айтди
03.10.2020
