Фрэнк Лэмпард Англия Лига Кубогининг 1/8 финали доирасида «Тоттенҳэм» (1:1, пенальтилар серияси – 4:5) билан ўйиндан кейин ўз фикрларини билдириб ўтди.
«Пенальтилар сериясида ҳамма нарса бўлиши мумкин. Албатта, кейинги босқичга чиқишни жуда хоҳлагандим. Аммо менга ёқадиган ҳолатлар ҳам бор. Биринчи бўлимда рақибдан яхшироқ ўйнадик, кейинчалик барчаси ўзгарди. «Тоттенҳэм» узоқ масофаларга тўп узатишни бошлади, босимимизни бузди, тактикани ўзгартирди. Бунга мослашишни ўрганишимиз керак. Позитивликни сақлаб қоламиз.
Ўйин сўнгида футболчиларимиз чарчаб қолишди. Вазиятдан келиб чиқсак, бу тушунарли. Вернерда баҳс охирида бироз жароҳат бор эди, шунинг учун пенальти тепмади.
Менди? У жуда яхши ўйнади, деб ўйлайман. У бир қанча ажойиб сейвларни амалга оширди. Ҳатто гол ўтказиб юборганимиздан кейин ҳам хотиржамликни сақлаб қолди. Умуман олганда, «Челси» билан ўйиннинг ҳар бир қисмидан қониқдим», – дея Лэмпарднинг сўзларини келтиради BBC Sport.
Маълумот ўрнида, «Челси» Эдуард Мендини 30 млн евро эвазига «Ренн»дан сотиб олди.
Бошқа янгиликлар
Тьяго Силва «ПСЖ»дан қандай кетгани ҳақида гапирди
Тьяго Силва «Пари Сен-Жермен»дан кетиши қандай рўй бергани ҳақида гапирди
29.09.2020
Кепа Аррисабалага Испаниядан жамоа топиш илинжида
Дунёнинг энг қиммат дарвозабони Кепа Аррисабалага кўп гол ўтказаётганига қарамай, ўзини асосий таркибга муносиб, деб ҳисобламоқда
29.09.2020
Алонсо «Челси»да бошқа ўйнамаслиги мумкин
Маркос Алонсо ва жамоа бош мураббийи Фрэнк Лэмпард ўртасида зиддият пайдо бўлди
30.09.2020
