Фрэнк Лэмпард: Яна нимадир кўрсатишимиз керак эди

Фрэнк Лэмпард АПЛнинг 4-туридан ўрин олган «Кристал Пэлас»га (4:0) қарши ўйиндан сўнг ўз фикрлари билан ўртоқлашди.

«Кристал Пэлас» дарвозасига 4та гол урадиган жамоалар кўп эмас. Ўйинни яхши бошладик, кейин бироз секинлашдик. Яна нимадир кўрсатишимиз керак эди. 4та гол урганимиз жуда яхши. «Пэлас»нинг 4 ҳимоячиси ҳужумчиларимизга қарши қийналишди. 

Чилуэлл жуда ажойиб ҳаракат қилди. Унинг ҳужумга қўшилиш қобилияти яхши. У тўп билан жуда яхши ишлайди. Барча янги келганларнинг муаммоси бор эди, шунинг учун уларга вақт беришимиз керак. Аммо Бен нималар қила олишини аллақачон кўрсатиб берди.

Абраҳамнинг Жоржиньо билан пенальти талашгани? Муаммо йўқ. Ҳаммаси ҳал қилинди. Менга етакчилар ва бироз зиддиятли вазиятлар керак. Тэммининг иштиёқи яхши, аммо пенальти тепувчилар рўйхати борлигини унутмаслик керак», – дея Лэмпарднинг сўзларини келтиради ВВС.