Англия миллий жамоаси бош мураббийи Гарет Саутгейт Уэльсга қарши ўртоқлик учрашуви олдидан таркибдаги уч футболчини ўйин рўйхатидан ўчириб ташлади, дея ёзмоқда Sky Sports.
Миллий жамоа сафида белгиланган интизомни бузгани, карантин қоидаларига амал қилмагани учун «Челси» ҳужумчиси Тэмми Абраҳам, ҳимоячи Бен Чилуэлл ва «Боруссия» яримҳимоячиси Жейдон Санчо Англия миллий жамоасининг Уэльсга қарши таркибидан чиқарилди.
Ушбу футболчилар Англия миллий жамоаси йиғинига боришдан бир кун аввал Абраҳамнинг туғилган куни муносабати билан уюштирилган байрамона базмда иштирок этган. Байрамона кеча Тэммига сюрприз сифатида унинг яқинлари томонидан уюштирилган.
Қайд этилишича, учала футболчи ҳам карантин қоидаларини бузгани ва миллий жамоанинг қолган футболчилари соғлиғини хавф остига қўйгани учун кечирим сўраган. Санчо ва Чилуэлл бу воқеадан хулоса қилишларини билдирган.
Шунга қарамай, Англия миллий жамоаси бош мураббийи Гарет Саутгейт футболчилар интизомсизлигидан жаҳли чиққан. Англия футбол ассоциацияси ушбу вазият ўрганилишини, футболчилар жазога тортилиши мумкинлигини маълум қилган.
Эслатиб ўтамиз, ўтган сафарги йиғинда «Ман Сити» яримҳимоячиси Фил Фоден ва «МЮ» ҳужумчиси Мэйсон Гринвуд миллий жамоа жойлашган меҳмонхонага дугоналарини чақиргани учун миллий жамоадан четлатилган эди.
Маълумот учун, Англия миллий жамоаси Миллатлар лигаси доирасида 11 октябрь куни Бельгия, 14 октябрда эса Данияга қарши ўйин ўтказади. Бу баҳсларда ҳам Санчо, Абраҳам ва Чилуэллнинг иштироки сўроқ остида.
Бошқа янгиликлар
Фрэнк Лэмпард: Яна нимадир кўрсатишимиз керак эди
Фрэнк Лэмпард АПЛнинг 4-туридан ўрин олган «Кристал Пэлас»га (4:0) қарши ўйиндан сўнг ўз фикрлари билан ўртоқлашди
04.10.2020
«Челси» 2020 йилда энг кўп пул сарфлаган клубга айланди
«Челси» Европадаги якунланган трансферлар ойнасида янги футболчилар сотиб олиш учун энг кўп пул сарфлаган клубга айланди
06.10.2020
2020/21 мавсум АПЛ трансферлар рейтингини эълон қилди
Sky Sports нашри АПЛда якунланган трансферлар ойнасидаги энг қиммат ўтишлар рейтингини эълон қилди
07.10.2020
