Янгиликлар

Чеферин: Ҳакамлар ўйинни тўхтатишлари керак

03.04.2019

УЕФА президенти Александер Чеферин ўйин вақтида ирқчилик ҳолатлари кузатилган тақдирда ҳакамлар қатъиятлироқ бўлишлари кераклигини таъкидлади.

«Сўнгги ойлар давомида рўй берган воқеалардан сўнг биз яна ҳакамлар билан гаплашиб оламиз, уларни қарор қабул қилишга қўрқмасликлари керак. Биз ҳам тушунамиз, ҳакамлар ҳам одам, баъзи чораларни қўллашга қийналишлари мумкин. Аммо ҳакамлар ирқчилик намоён бўлган ҳолларда ўйинларни тўхтатишлари керак.

Ирқчилик кайфиятидаги одамлар камчиликни ташкил қилади, аммо энг кўп шовқин кўтарадиганлар ҳам улардир. Мухлисларнинг ҳам аксарияти бундай хатти-ҳаракатлардан норози», – деган Чефериннинг сўзларини келтирмоқда Daily Mail.