«Челси»да пенальтилар ижрочиси ўзгарди

Фрэнк Лэмпард ЕЧЛнинг 3-туридан ўрин олган «Ренн»га (3:0) қарши ўйиндан кейин нега пенальтиларни аввалгидек Жоржиньо тепмаганини изоҳлади.

«Бу осон қарор эмасди, чунки Жоржиньо ҳам 11 метрлик нуқтадан муваффақиятли зарба беради. Шунга қарамай, у сўнгги ўйинларда иккита хатога йўл қўйди.  Тимо эса ўз имкониятларидан ишонч билан фойдаланмоқда.

Қарорим ҳақида Жоржиньо билан гаплашдим ва у ҳақиқий профессионал каби жавоб берди. Унга жамоа фойдаси муҳим.

Демак, энди Тимо – бизнинг доимий пенальти ижрочимиз. У бу имкониятдан шу қадар ҳиссиёт билан фойдаланганидан хурсандман», – дея Лэмпарднинг сўзларини келтиради клуб расмий сайти.