Каллум Ҳадсон-Одои учун рақобатга Дортмунднинг «Боруссия» клуби ҳам қўшилди. Бу ҳақда The Telegraph хабар бермоқда.

Нашр маълумотига кўра, 18 ёшли футболчи «қора-сариқлар»нинг ёзги трансфер мавсумидаги энг асосий мақсадларидан бирига айланган.

Қайд этиш керак, ҳозирга қадар Ҳадсон-Одои учун энг асосий даъвогар сифатида «Бавария» кўрсатиб келинган эди. Мюнхенликлар қишда уни ўз сафларига қўшиб олмоқчи бўлган, Каллумнинг ўзи ҳам бунга қарши эмаслиги айтилган эди.

Хабарларга қараганда, ҳужумчи клуб билан шартномасини узайтиришдан бош тортмоқда.

Ҳадсон-Одои бу мавсум «кўклар» сафида 19та ўйин ўтказиб, 5+4 маҳсулдорлик натижасини қайд этган.