Роман Абрамович клубдаги юмушларга ҳар куни вақт ажратади. Бу ҳақда клуб президенти Брюс Бак Sky Sports`га берган интервьюсида гапириб ўтди.
«Абрамович қилаётган ишлар клуб унинг учун қадрли эканини яна тасдиқламоқда. Биз кунига бир неча маротаба у билан алоқада бўлиб турамиз. У билан футболчилар, тижорий ишлар ва бошқа масалаларда суҳбатлашамиз.
Шундай экан, айтишим мумкинки, у «Челси» учун қайғуради», – деди Бак.
Маълумот учун, инглиз матбуотида Абрамович Британия паспорти муддатини узайтириш билан боғлиқ муаммолар ортидан «Челси»га янги стадион қуриш лойиҳасини тўхтатиб қўйгани, боз устига 2018 йил май ойида Исроил фуқаролигини олиб, Тел-Авивга кўчиб кетганидан кейин клубнинг бирорта ҳам ўйинини бевосита стадиондан кўрмагани ҳақида хабарлар бор.
Шу ҳафта матбуотда россиялик миллиардер ўн йил ичида илк марта «Стэмфорд Бриж»дан корпоратив хона сотиб олмагани ҳақида хабар тарқалди. The Times нашрига кўра, у 2011 йилдан буён «Стэмфорд Бриж»даги VIP-хоналардан бири учун ҳар йили 1 миллиондан 3 миллион фунтгача пул сарфлашни канда қилмаган, аммо бу мавсум аввалида ушбу одатий чиқимга қўл уришга унамаган.
Эслатиб ўтамиз, аввалроқ Британиянинг энг бой одами Сэр Жим Рэтклифф «Челси»ни сотиб олмоқчи экани тўғрисида хабар тарқалган, унда Абрамович клуб учун 2,5 млрд фунт сўраётгани айтилганди.
Бошқа янгиликлар
Абрамович «Стэмфорд Бриж»дан корпоратив хона сотиб олмади!?
Роман Абрамович жорий мавсум аввалида «Стэмфорд Бриж» стадионидан ўзига корпоратив хона сотиб олмаган
03.04.2019
Сарри: Игуаин жисмонан, ҳам руҳан ўсишга эришиши керак
Маурицио Сарри ҳужумчи Гонсало Игуаиннинг Англия чемпионатига мослашиш жараёни ҳақида гапириб ўтди
07.04.2019
