Педро Родригес УЕФА расмий сайтида ўтказилган сўровнома натижасига кўра Европа лигасида ҳафтанинг энг яхши футболчиси деб топилди.
31 ёшли испан чорак финалнинг «Славия»га қарши жавоб ўйинида (4:3) жамоасининг тўртала голида ҳам бевосита қатнашди: у дубль қайд этиш билан бирга яна иккита голга ҳаммуаллиф ҳам бўлди.
Педро ушбу эътироф учун курашда прагаликлар яримҳимоячиси, Лондондаги баҳсда 2та гол ва 1та ассист муаллифи бўлган Петр Шевчик, шунингдек, «Айнтрахт»-«Бенфика» (2:0) ва «Валенсия»-«Вильярреал» (2:0) ўйинларида ҳисобни очган Филип Костич ҳамда Тони Латони ортда қолдирди.
Маълумот учун, Педро бу мавсум Европа лигасининг 11та ўйинида майдонга тушиб, 3та гол уриш баробарида АПЛнинг 27та турида қатнашди ва 8+1 маҳсулдорлик натижасини қайд этди.
Бошқа янгиликлар
Де Брюйне «Челси»дан нега кетганини ёдга олди
Кевин де Брюйне 2014 йилда «Челси»дан кетишига оид баъзи тафсилотларга тўхталиб ўтди.
16.04.2019
Игуаин «Челси»га керак эмас
«Челси» клуби «Ювентус» ҳужумчиси Гонсало Игуаиннинг трансферини тўлиқ сотиб олмайди
18.04.2019
