Ижара ҳуқуқи асосида «Челси»да ўйнаётган яримҳимоячи Матео Ковачич «Реал»га қайтишни истамаяпти, деб хабар беради Marca.
Хорватия терма жамоасининг 24 ёшли аъзоси фаолиятини келгусида ҳам Англияда давом эттирмоқчи. Аммо унинг Лондон клубидаги келажаги «кўклар» ФИФА томонидан белгиланган жазо – иккита трансфер ойнасида янги футболчиларни рўйхатдан ўтказишга қўйилган тақиқни бекор қила олиши ёки қила олмаслигига боғлиқ.
Агар «Челси»нинг апелляцияси рад этилса ва Халқаро арбитраж суди ҳам ФИФА қарорини ўз кучида қолдирса, у ҳолда «аристократлар» Ковачични кейинги мавсум учун заявка қила олишмайди.
Қўшимча қилинишича, Ковачичга АПЛнинг қатор клублари ва Миланнинг «Интер» жамоаси қизиқиш билдирмоқда.
Матео АПЛда ҳозирча 26та ўйин ўтказиб, иккита голга ассистентлик қилди.
Бошқа янгиликлар
Виллиан: «Челси»дан кетмоқчи эмасман
Виллиан келгусида ҳам фаолиятини «Челси»да давом эттириш ниятида эканини айтиб ўтди
20.03.2019
Ҳадсон-Одои учун рақобатга «Боруссия» ҳам қўшилди
Каллум Ҳадсон-Одои учун рақобатга Дортмунднинг «Боруссия» клуби ҳам қўшилди
21.03.2019
