Грант: Сибирга сургун бўлардим

«Челси»нинг собиқ бош мураббийи Авраам Грант жамоанинг 2019/20 йилги мавсумдаги ўйинлари ва АПЛда 4-ўринни эгаллагани ҳақида фикр юритди.

«Менимча, «Челси» яхши мавсум ўтказди. Агар клуб бир неча йил олдин, бош мураббийлик қилган давримда 4-ўринни эгаллаганда, Абрамович мени Сибирга юборган бўларди. Аммо ҳозирги вазиятда бу яхши ўрин, деб ўйлайман. Бу – Фрэнк учун катта ютуқ. Бу – унинг Премьер-лигада мураббий сифатида ишлаган биринчи йили.

Албатта, Лэмпард моҳир футболчи эди. Лекин ўйинчини мураббий билан таққослай олмайсиз. Ўйлашимча, у жамоани яхши бошқарди», – деб Грантнинг сўзларини келтиради Goal.

Маълумот учун, Грант «Челси»ни 2007/08 йилги мавсумда бошқарган. У клуб билан АПЛда 2-ўринни эгаллаган, Чемпионлар Лигасида эса финалгача етиб борган.