Жамол Блэкман саккизинчи марта ижарага жўнатилди

Фрэнк Лэмпард 26 ёшли дарвозабон Жамол Блэкманни Чемпионшип дебютанти «Ротерем Юнайтед» жамоасига жўнатиб юборди.

Лондонликлар ўз вақтида Англия ёшлар терма жамоаси дарвозасини қўриқлаган Блэкманга шу пайтгача умуман имкон бермаган. «Челси» таркибида бирорта учрашув ўтказмаган футболчи саккизинчи марта ижарага жўнатилди. Бунгача у «Мидлсбро», «Эстерсунд», «Уикомб», «Шеффилд Юнайтед», «Лидсе», «Витесс» ва «Бристол» жамоаларида ижара муддатини ўтаган.

Ўз истеъдодини кўрсата олмай келаётган дарвозабоннинг трансфер суммаси ҳам бир ярим миллион еврога тушиб кетди.