Янгиликлар

Томмазо Жулини «Челси»дан таклиф олганини маълум қилди

27.03.2019

«Кальяри» президенти Томмазо Жулини клуб яримҳимоячиси Николо Бареллага «Наполи» ва «Челси» клублари қизиқиш билдирганини тасдиқлади, деб хабар беради Corriere dello Sport.

«Январда унинг трансфери бўйича «Наполи»дан аниқ таклиф бўлганини рад эта олмайман. Бареллани «Челси»да Маурицио Сарри ҳам хоҳлаган эди. «Интер»га келсак, бу клуб ҳақидаги маълумотлар миш-миш холос.

Унинг келажаги қандай бўлишини билмайман, аммо у янада ўсишга эриша олади. Таққослаш зерикарли бўлса-да, бу футболчи менга Ража Наингголанни эслатиб юборяпти. Аммо Николо техник жиҳатдан Ражадан кўра иқтидорлироқ футболчи», – деди «Кальяри» президенти.

ОАВда Николонинг қиймати 45-50 млн евро атрофида экани айтилмоқда.

Ўтган йили Италия миллий жамоасида дебют қилган 22 ёшли Барелла «Кальяри»нинг ўз тарбияланувчиси саналади. У бу мавсум клубининг 29та ўйинида майдонга тушди ва битта гол уриб, иккита голга ассистентлик қилди.