ФИФА «Челси»га янги футболчиларни рўйхатдан ўтказишга доир тақиқ бўйича апелляцияни 11 апрелда кўриб чиқади. Бу ҳақда Daily Mail маълум қилди.
«Кўклар» февраль ойида 18 ёшга тўлмаган футболчиларга оид халқаро трансфер қоидаларини бузганликда айбдор деб топилган ва клубга 2020 йил ёзига қадар янги футболчиларни рўйхатдан ўтказиш тақиқлаб қўйилган эди. ФИФА маълумотига кўра, «кўклар» 29та ҳолатда ёш футболчиларни трансфер қилиш ва рўйхатдан ўтказиш қоидаларини бузишгани аниқланган.
«Аристократлар» бу айбловларни рад этишмоқда – клуб санкция ҳақида маълум қилиниши биланоқ апелляция берган. Апелляция рад этилган тақдирда клуб Халқаро арбитраж судига мурожаат этиши мумкин.
Ушбу тақиқ бекор қилинмаган тақдирда клуб кейинги иккита трансфер мавсумида ўз футболчиларини максимал даражада сақлаб қолишга ҳаракат қилади. Бу, хусусан, «Реал» нигоҳидаги вингер Эден Азарга тааллуқли экани айтилмоқда.
Бошқа янгиликлар
«Челси» ёзда ҳеч қайси футболчисини сотмоқчи эмас
«Челси» ёзги трансферлар вақтида ҳеч қайси футболчисини қўйиб юбормоқчи эмас
26.03.2019
Оливье Жиру ёзда «Лион»га кўчиб ўтиши мумкин
Жиру «Челси»дан кетиши мумкинлигини инкор қилмади, у бошқа чемпионатга йўл олиши мумкин
27.03.2019
Томмазо Жулини «Челси»дан таклиф олганини маълум қилди
«Кальяри» президенти Барелла учун «Челси»дан таклиф олганини маълум қилди
27.03.2019
