Ҳаверц: Бу жуда қизиқ лойиҳа

Яримҳимоячи Кай Ҳаверц «Челси»га ўтиши ҳақида фикр билдирди.

«Менимча, бу – жуда қизиқ лойиҳа. «Челси»да жуда кўп ёш футболчилар бор ва мен уларнинг баъзиларини биламан. Масалан, Тимо Вернер ва Антонио Рюдигер.

Улар билан миллий жамоада ўйнаганман. Улар – менинг энг яхши дўстларим. Бу мен учун жуда яхши деб ўйлайман. Шунингдек, «Челси»да жуда кўп ёш футболчилар, хусусан, инглиз ўйинчилари бор. Бу ҳақиқатан ҳам катта лойиҳадир. Ҳаммаси муваффақиятли бўлишига умид қиламиз.

Иложи борича кўпроқ ютуқларга эришишни, кўпроқ совринлар ютишни истайман ва бунинг учун қўлимда келганича ҳаракат қиламан. Албатта, бу – менинг фаолиятимдаги энг муҳим қадам. Бу – мен учун янги мамлакат, бошқа маданият. Дастлабки 2-3 ҳафта менга осон бўлмаслиги мумкин. Аммо мен жамоадошларим билан майдонга тушиб, шунчаки завқланиб футбол ўйнашни истайман.

«Челси» – совринлар ютишни истайдиган катта клуб. Мен бу борада жамоага ёрдам бераман. Биргаликда кўп нарсага эришишимиз мумкин», – дея германиялик хавбекнинг сўзларини келтиради клуб расмий сайти.